Rusiyada ilk dəfə insanın quş qripinə yoluxması faktı qeydə alınıb.
Xəbəraztv.az-ın Moskva müxbirinin xəbərinə görə, bu barədə “Rospotrebnadzor”un rəhbəri Anna Popova “Rossiya 24” kanalına müsahibəsində bildirib.
Onun sözlərinə görə, Vektor mərkəzinin alimləri Rusiyanın cənubunda yerləşən quşçuluq fabrikinin 7 əməkdaşında quş qripinin yeni A(H5N8) növünü aşkarlayıblar.
A. Popova quş qripinə yoluxan şəxslərin özlərini yaxşı hiss etdiklərini qeyd edib.
“Hələlik quş qripinin insandan insana keçməsi halı qeydə alınmayıb”, – deyə o vurğulayıb.