Ucarda yol qəzası baş verib.
ZamanAzTv.info xəbər verir ki, hadisə Bakı – Qazax yolunun rayonun Qaradağlı kəndidən keçən hissəsində qeydə alınıb. Mişar daşı ilə dolu “KamAZ” markalı yük maşını Gəncə istiqamətində hərəkətdə olarkən, arxadan gələn “ZİL” markalı yük maşını ona çırpılıb. Nəticədə “KamAZ” yoldan çıxaraq aşıb və mişar daşları yola səpələnib.
Hadisə zamanı xəsarət alan olmasa da, yük maşınlarına ciddi ziyan dəyib.
Faktla bağlı araşdırma aparılır.