Gürcüstan prezidenti Salome Zurabişvili ölkədəki diplomatik korpusun nümayəndələri ilə görüş keçirib.
Xəbəraztv.az xəbər verir ki, bu barədə Prezident Administrasiyasından bildirilib.
Orbeliani sarayında baş tutan görüşdə Gürcüstandakı hazırkı siyasi proseslər və yaranmış vəziyyətdən çıxış yolları müzakirə olunub.
Görüşdə ABŞ və Avropa ölkələrinin səfirləri iştirak ediblər.
Qeyd edək ki, ABŞ, NATO, Avropa İttifaqı və bir sıra ölkələr Gürcüstanda yaranmış siyasi gərginlikdən narahatlıq ifadə ediblər.