Ermənistan silahlı qüvvələri tərəfindən 2020-ci il sentyabrın 27-dən başlayaraq Azərbaycanın yaşayış məntəqələrinin mərmi və raket atəşinə tutulması nəticəsində mülki əhaliyə məxsus fərdi evlərə dəyən ziyanın aradan qaldırılmasına başlanılıb.
AZƏRTAC-ın bölgə müxbiri xəbər verir ki, Tərtər rayonunda Ermənistan silahlı qüvvələrinin təcavüzü nəticəsində ziyan dəymiş obyektlərin sayı bu günə olan məlumata görə, 4 mini keçib. Artıq Dövlət Şəhərsalma və Arxitektura Komitəsi tərəfindən bərpa və təmir-tikinti işlərinə başlanılıb. Təmiri və bərpası mümkün olmayan yaşayış evlərinin əvəzində 2, 3, 4, 5 otaqlı eynitipli evlərin inşası nəzərdə tutulur. Əraziyə kifayət qədər işçi qüvvəsi və texnika cəlb olunub. Yeni inşa ediləcək fərdi evlərin bünövrəsi qazılır və beton işləri həyata keçirilir.
Düşmənin artilleriya atəşi nəticəsində evi dağılmış Nemət Ərəbov bir gün də olsun ruhdan düşmədiyini bildirib: “Ermənilərin atəşi nəticəsində evimizə bir neçə top mərmisi düşmüşdü. Ev tamamilə yararsız idi. Ancaq buna baxmayaraq təəssüflənmədik, inamımızı itirmədik. Bilirdik ki, arxamızda güclü dövlətimiz, qətiyyətli Prezidentimiz var. Bu gün ailəmiz üçün yeni beşotaqlı evin tikintisinə başlanılır”.
Tərtər şəhər sakini Sahib İsmayılov isə deyib: “Oktyabrın 26-da evimizə “Smerç” tipli raket düşərək, tamamilə dağıtmışdı. Artıq həyətimizdə yeni dördotaqlı evin təməli qoyuldu. Tezliklə ailəmlə birlikdə yeni mənzildə yaşayacağıq. Buna görə dövlətimizin başçısına ailəmiz adından minnətdarlığımı bildirirəm”.
Qeyd edək ki, Azərbaycan Respublikası Silahlı Qüvvələrinin Ali Baş Komandanı İlham Əliyevin rəhbərliyi altında rəşadətli və müzəffər ordumuzun 2020-ci il sentyabrın 27-də başladığı sülhə məcburetmə əməliyyatlarının gedişində Ermənistan silahlı qüvvələrinin xain hücumları nəticəsində ölkəmizin bir sıra şəhər və rayonları artilleriya və ballistik raket atəşinə tutularaq, insanlıq əleyhinə cinayətlər törədilib, dinc sakinlər vəhşicəsinə qətlə yetirilib, mülki obyektlərə, fərdi yaşayış evlərinə və infrastruktura irimiqyaslı zərər vurulub. Dəymiş bu ziyanın qiymətləndirilməsi və aradan qaldırılması məqsədilə Prezident İlham Əliyevin 2020-ci il 6 noyabr tarixli Sərəncamı ilə Dövlət Komissiyası yaradılıb. Dövlət Komissiyasının nəzdində yaradılmış müxtəlif dövlət qurumlarının əməkdaşları və mütəxəssislərdən ibarət işçi qruplar tərəfindən qısa müddətdə, ümumilikdə, 11 şəhər və rayon ərazisində 10 mindən çox obyektə baxış keçirilib, qiymətləndirmə və təmir-tikintinin ilkin planlaşdırılması işləri aparılıb.
Zərər vurulmuş obyektlərin tam bərpası və təmir-tikinti işlərinin aparılması üçün yaşayış evlərinin və obyektlərin tikintisi üzrə sifarişçi funksiyaları, habelə inşa prosesində həyata keçiriləcək işlərin təşkili və əlaqələndirilməsi Azərbaycan Respublikası Baş nazirinin 2021-ci il 14 yanvar tarixli Sərəncamı ilə Dövlət Şəhərsalma və Arxitektura Komitəsinə həvalə edilib.
Dövlət Şəhərsalma və Arxitektura Komitəsi bu gündən 11 rayon və şəhərdə bərpa və təmir-tikinti işlərinə başlayıb.
Axtar
Xəbər xətti
- Anar Məmmədli barəsində həbs qətimkan tədbiri seçilib
- Coğrafiya İnstitutu: Temperaturun artma tendensiyası davam edəcək
- Mirzoyan: Ermənistan Azərbaycan və Türkiyə ilə kommunikasiyaların açılmasına hazırdır
- Xəbərdarlıq edildi: Mayın 1-dən bu içkinin qiyməti artacaq
- İri Şəhərlərin Birləşmiş Su Təchizatı Xidməti 5 şəhərə xidmət göstərəcək
- Zurabişvili “Gürcü Arzusu”nun Tbilisidə keçirəcəyi mitinqi tənqid edib
- Kəlbəcərdə usta 4-cü mərtəbədən yıxılıb
- Birinci vitse-prezident Mehriban Əliyeva azərbaycanlı şahmatçı Ülviyyə Fətəliyevanı təbrik edib
- Prezident bu rayonun icra başçısını vəzifəsindən azad etdi-Yeni Təyinat
- Azərbaycanla Ermənistan arasında 35 sərhəd dirəyi quraşdırılıb
- Bakıda yeni metro stansiyası bu tarixdə açılacaq
- İlham Əliyev qırğızıstanlı həmkarını COP29-a dəvət edib
- Xankəndidə ilk körpə dünyaya gəldi
- RAMAZANDAN SONRA BUNLARI EDİN – VACİB MƏSLƏHƏTLƏR
- Bayram namazının vaxtı AÇIQLANDI
- Aprelin 7-də bu rayonlarda buraxılış imtahanları keçiriləcək – SİYAHI
- Ramazan bayramı ilə əlaqədar məktəblərdə qeyri-iş günləri AÇIQLANDI
- İsmayıllıda dibçəklərdə çətənə bitkisi yetişdirən şəxs saxlanılıb
- Azərbaycan və Konqo prezidentlərinin təkbətək görüşü başlayıb
- Konqo Respublikasının Prezidenti ölkəmizə rəsmi səfərə gəlib
- Ordumuzun Aprel qələbəsindən 8 il ötür
- Mövqelərimiz atəşə tutuldu
- Türkiyədə yerli özünüidarə orqanlarına seçkilər başa çatıb
- Aprelin ilk günü üçün hava proqnozu açıqlanıb
- 31 Mart soyqırımından 106 il keçir
Təqvim
Copyright © 2024 Xəbər AzTv