Son vaxtlar bəzi kütləvi informasiya vasitələrində və sosial şəbəkələrdə Göyçay Rayon Polis Şöbəsinin Dövlət Yol Polisi bölməsinin əməkdaşları barəsində qərəzli və doğru olmayan məlumatları özündə əks etdirən video-foto və vətəndaş müraciəti paylaşılır. Respublikanın hər yerində olduğu kimi,Göyçay rayonunda da yol hərəkəti təhlükəsizliyini təmin etmək üçün mütəmadi olaraq reydlər keçirilir.Şər və böhtan xarakterli həmin müraciət polisin gərgin əməyinə kölgə salmağa cəhddən başqa bir şey deyildir.Belə ki,rayonda baş verən yol-nəqliyyat hadisələri, eləcə də sürücülər tərəfindən törədilən kobud qayda pozuntularına görə nəqliyyat vasitələri müvəqqəti duracağa yerləşdirilən avtomobil sahibləri barəsində araşdırma aparılır və araşdırmanın nəticəsindən asılı olaraq protokol tərtib edilərək məsələyə hüquqi qiymət verilir.Rayonda əmin-amanlığı, sabitliyi pozmağda maraqlı olan bəzi şəxslər rayonda DYP əməkdaşlarını və xidməti vəzifəsini layiqincə yerinə yetirən DYP-nın Göyçay rayon şöbəsini rəisi baş leytenant Vüsal Həsənov barədə böhtan və şantaj xarakterli məlumatlar yaymaqla polisin rayonda qanunçuluğunu daha da möhkəmləndirilməsi, ictimai qaydanın və təhlükəsizliyin etibarlı təmininə hesablanmış gərəkli fəaliyyətinə kölgə salmaq istəyirlər ki,bu da qətiyyən yolverilməzdir.